Ресейліктердің келуіне қатысты Қазақстанда нақты ұстаным жоқ - экс-депутат

«Нұр Отан» партиясының бұрынғы депутаты, тіркелмеген «Ел тірегі» партиясының жетекшісі Нұржан Әлтаев 24tv.ua тілшісіне «Қазақстан билігінің ресейліктерге баспана беру мәселесі бойынша әлі нақты ұстанымы жоқ» деп мәлімдеді.

— Сенат спикерінің ешқандай шектеулер болмайтыны туралы мәлімдемесі болды, бірақ қалай әрекет ету керектігі туралы нақты жоспарлар болған жоқ. Біз басқа үш оппозициялық партиямен бірге биліктен Қазақстан мен Ресей арасындағы шекараның жабылуын талап етеміз, - деді Әлтаев.

Оның айтуынша, Ресейдің Украинаға әскери шабуылы басталғалы бері Қазақстанға ресми түрде бір жарым миллионға жуық ресейліктер келген. Олардың кейбіреулері ілгері кетті, бірақ жұмылдыру басталғанда сол Еуразиялық экономикалық одақ құрамында болғандықтан, елге одан да көп Ресей азаматтары келеді деген қауіп бар.

Әлтаев қазір Қазақстанда ресейліктердің өте көп екенін, сондықтан ірі қалалардағы қонақүйлерден нөмір алу мүмкін емес екенін атап өтті. Сонымен қатар, пәтерлерді жалға беру бағасы да өскенін айтты.

— Қазір барлық халық пен қоғамдық ұйымдар президенттен Ресеймен шекараны жабуды талап етуде. Ресейдің Қазақстанмен соғысу қаупі бар, ал мұнда қоныстанған орыстар диверсиялық полк болады, – дейді «Нұр Отан» партиясының экс-депутаты.

Еске салсақ, 21 қыркүйекте Ресей президенті Владимир Путин елде ішінара жұмылдыру туралы хабарлаған болатын.

Ресейде ішінара жұмылдыру жарияланғаннан кейін әлеуметтік желілерде Қазақстан шекарасында көлік кезегі түсірілген видеолар пайда бола бастады.