Ресейліктердің келуіне байланысты қатерлі жұқпалы аурулар өршімейді

Қазақстанның Денсаулық сақтау министрлігі ресейлік келімсектердің  республикаға жаппай ағылуынан  – жұқтырылған иммун тапшылығы (ЖИТС)  індеті  күрт өседі деген алаңдаушылыққа байланысты жауап берді.

Денсаулық сақтау министрлігінің басшысы Ажар Ғиният қандай да бір қорытынды жасауға әлі ерте екенін, бірақ статистика бүгінге дейін ауруды жұқтырғандар санының өскенін тіркемегенін түсіндірді.

— Бүгінгі таңда біз тіркеудің күрт өсуін байқамадық. Мүмкін әлі ерте шығар. Ішкі істер министрлігінің мәліметінше, орыстардың ағылуы тоқтады. Мұндай өсім жоқ. Бұл жерден көптеген орыстар өтіп жатты. Сондықтан біз Ресей Федерациясына қатысты қандай да бір инфекция ауыртпалығын немесе өсуін сезінбедік және статистикалық мәліметтерге сәйкес ондай ақапарат жоқ, - деді Ғиният Мәжіліс отырысында.

Министр АИТВ қан және жыныстық қатынас арқылы жұғатынын еске салып, қазақстандықтарды сақ болуға және өз денсаулықтарын сақтауға шақырды.

Ресей Федерациясында иммун тапшылығы вирусының жоғары көрсеткіштері бар. Нақты ақпарат арқылы  «Если быть точным»  жобасының зерттеушілері бұл ел аталған аурудың таралуы бойынша Еуропада бірінші орында екенін хабарлады.

Ресейде ішінара жұмылдыру жарияланғаннан кейін Қазақстанға Ресей Федерациясының азаматтары жаппай ағылып келіп жатыр. 21 қыркүйектен бастап республикаға 200 мыңнан астам ресейліктер кірді, олардың басым бөлігі одан әрі үшінші елдерге кеткенімен, ондаған мың Ресей азаматтары Қазақстанда қалды.