Ресейліктер Қазақстанға 1,8 млрд теңге кіріс әкелді

Биылғы жылы шетелдік туристер жұмсаған қаржының ең көп үлесі Ресей Федерациясынан келген туристерге тиесілі, деп хабарлайды Orda.kz.

Биылғы жылы шетелдік туристер жұмсаған соманың 43,8% Ресей Федерациясынан келген туристердің үлесінде. FinProm мәліметінше, ресейлік туристер Қазақстанда 1,8 млрд теңге жұмсады, бұл 2023 жылмен салыстырғанда 8,6%-ға артық.

Деректерді салыстыра отырып, Ресейден, Өзбекстаннан және Түркиядан келген туристерден басқа, Қырғызстан, Қытай және Германия азаматтары Қазақстан туризміне елеулі үлес қосуда. Туризмнен ең көп кіріс әкелетін қала — Алматы. Мегаполис туристерден түскен кірістің 21,5% -на ие болды. Бұл оңтүстік астананың мәртебесі және таудағы демалыс орындарының шетелдіктер арасында өте танымал болуына байланысты.

Бұл көрсеткіш бойынша, Астана туристерден жалпы 19,3% пайда тауып отыр. Туристер арасында  — Солтүстік Қазақстан, Павлодар және Абай облыстары онша танымал емес. Туризм саласы бойынша ең төменгі кіріс осы аймақтарға тиесілі.