Ресейліктер ағынына  байланысты Түркияда жалға беру бағасы көтерілді

Туркияда  жылжымайтын мүліктерін жалға алу ақпан айының соңындағы  Ресей-Украина қақтығысына байланысты үш есе өсіп кеткен.

Tolerancе агенттігінің директоры Сергей Волченковтың айтуынша, соңғы уақытта ресейліктердің Анталия мен Аланияда жалға берілетін тұрғын үйге сұраныстары төрт есеге жуық өскен.  Бұл бұрынғы  айына 200-600 доллар деңгейіндегі  бағаның  2,5 -3 есеге дейін көтерілуіне әкеліп соқтырған.

Сонымен қатар, Ыстамбұл, Измир, Бодрум және Фетхие қалаларында да тұрғын үйді жалға алу құны өсті. Just Real Prime Broker-тің басқарушы серіктесі Екатерина Шиманскаяның айтуынша, қазір пәтерлерді жаңа бағамен жалға алу өте  қиын. Өйткені  сұранысты қанағаттандыратындай пәтерлер жоқ, таусылған. Сондай-ақ, жергілікті пәтер иелері Түркия заңы тыйым салғанынан қарамастан  жалдау құнын алты ай бұрын және  доллармен төлеуді талап ететін болған.

Ресейліктер Түркияға ғана емес,   Армения мен Грузияға жаппай ағылуда, ол жақта да жалға берілетін пәтерлерге сұраныс бір жарым есеге өсті.

Қазақстанның жылжымайтын мүлік нарығында әзірге айқын өзгерістер байқалмайды. «Arbat Real Estate» жылжымайтын мүлік агенттігінің директоры Марина Грушинаның айтуынша, Қазақстанда ресейліктердің тұрғын үйді эконом-класстан бизнес-классқа жалға алуға деген қызығушылығы артқанымен, бұл әсіре сұраныс тудырмаған.