Ресейлік журналист Қазақстан шекарашыларын сотқа бермек

Оппозициялық бурят журналисіне елімізде уақытша болу мерзімін ұзартудан бас тартылған.

Бурятиялық оппозициялық журналист Евгения Балтатарованың  Қазақстаннан депортациялану қаупі бар. Әйел жағдай туралы өзінің Telegram-каналында айтқан. Қазақстан билігінің уақытша болу мерзімін ұзартудан бас тарту туралы шешімі ол үшін «күтпеген» жағдай болып шыққан.

«Орыстарға қатысты сұрақтармен бәрі реттелген сияқты, [Михаил] Жилиннен кейін ешқандай жанжал мен қуулар болған жоқ», - деді ол.

Еске салайық, жұмылдырудан қашқан ФСО майоры Михаил Жилин 2022 жылдың желтоқсанында Қазақстаннан Ресейге депортацияланған, наурызда ол 6,5 жылға бас бостандығынан айырылған болатын. Ал, журналистің өзі оны ресми түрде шекарадан өтпегендіктен бас тартылды деп есептейді. Паспортында барлық мөрлер бар болса да.

«Жағдай бойынша елден шығару қаупі төніп тұр. Олар мені үшінші елге жібермейтіндіктен, бұл Ресейге депортациялау қаупін тудырады», - дейді әйел.

Енді ол Қазақстанның Шекара қызметін сотқа бермекші. Ол да босқын мәртебесін алуға өтініш бермекші, бірақ одан бірдеңе шығатынына сенімі жоқ.

Айта кетейік, Евгения Балтатарова Ресейден 2022 жылдың наурыз айында кеткен. Маусым айында Улан-Удэ соты оны сырттай қамауға алып, халықаралық іздеуге жариялаған. Қазан айында Ресей Федерациясының Әділет министрлігі оны шетелдік БАҚ агенті деп таныды. Журналист Қазақстаннан Қырғызстанға ұшпақ болған. Ол ұсталған соң, Алматы әуежайында желілік полиция бөліміне жөнелтілді. Онда әйел оған қарсы Ресей Федерациясының Қарулы Күштері туралы «жалған» ақпарат үшін екі қылмыстық іс қозғалғанын білді.

Адам құқықтары жөніндегі Қазақстандық  халықаралық бюросы барлық жағдайға қызығушылық танытты, олар оқиғаның барысын қадағалап, Балтатароваға көмектесуге уәде берді.