Ресейлік «пикап шебері» қазақ қыздарын өзіне қарату тақырыбында тренинг жариялады

Қыздарды қарату туралы кітаптар сериясының авторы Алекс Лесли Алматыда «Жалындаған қазақ қызын кім табады?» тақырыбында көшпелі семинар өткізеді.

Алекс Лесли деген атпен танымал ресейлік Александр Кириллов әлеуметтік желіде қазақстандық қыздарды қаратуды үйрететіні туралы хабарландыру жариялады. Оның айтуынша, ол өзінің «қазақ қыздары» тақырыбын жариялауға шешім қабылдады.

«Алматыда екі істің басын қосатын, яғни демалу мен еліктіруді көшелердегі көптеген әдемі қыздармен үйлестірудің ең жақсы нұсқасын ұсынамын! Бүкіл пикапшылар тобы Алматыға барады!» делінген Леслидің парақшасында.

Әлеуметтік желілердегі мұндай шақыруға қазақстандықтар жайбарақат қарай алмады. Келесі пікірлерді Алекс Леслидің Instagram парақшасынан табуға болады:

«Қазақ қыздары туралы тағы да оындай сөз айтсаң, келесіде сөйлей алмай қаласың»

«Біз сені Қазақстанда күтеміз, сөздерін үшін жауап бересің!!!»

«Жалпы, Қазақстанды ұмытыңыз».

Алекс Лесли бірнеше рет мұндай жанжалды басынан өткерген. 2019 жылы ол беларусь қызы Настя Рыбкамен бірге Таиландтағы сотқа дейінгі түрмеде тоғыз айын өткізді. Олар сол кезде заңсыз семинар өткізді деп айыпталып, 18 айға бас бостандығынан айрылған болатын. Нәтижесінде олар тек тоғыз ай жазасын өтеп, шартты түрде мерзімінен бұрын босатылды.