Ресейлік олигарх Усмановтың 156 метрлік яхтасы бұғатталды

Германия билігі Гамбургте Еуроодақ санкциясына ұшыраған ресейлік миллиардер Әлішер Усмановтың 156 метрлік яхтасын ұстады. Бұл туралы Forbes яхта бизнесіндегі үш дереккөзге сілтеме жасап хабарлады.

«Дилбар» яхтасының құны 600 млн долларға бағаланып отыр. Ол өткен жылдың қазан айынан бастап Гамбург кеме жасау зауытында Blohm + Voss жөндеу жұмыстарын жүргізуде. Forbes ақпарат көздері сәрсенбіде яхтаны жөндеумен айналысқан жұмысшылар оның ұсталуына байланысты жұмысқа келмегенін айтты. Усмановтың өкілдері әзірге түсініктеме берген жоқ.

Усмановтың яхтасы авторлық жоба бойынша 2016 жылы шығарылған, ол бес жылға жуық уақыт бойы жасалған. Бұл су ығыстыруы бойынша әлемдегі ең үлкен яхта - шамамен 16 мың тонна. Атап айтсақ, онда яхталар тарихындағы ең үлкен бассейн, екі тікұшақ алаңы және сауна бар.

Усманов дүйсенбі күні Ресейдің Украинаға қарулы басып кіруіне байланысты басқа ресейлік ірі бизнесмендермен бірге санкциялар тізіміне енді. Forbes мәліметінше, ресейлік миллиардерлердің барлығында 32 мегаяхта бар.