Ресейлік миллионердің  ақшасы Украинаға беріледі

Ресейлік кәсіпкерге тиесілі шамамен 5,4 миллион доллар тәркіленіп, Украина пайдасына беріледі.

Америка Құрама Штаттары Ресей активтерін тәркілеуді және оларды Украинаға беруді бастады. Әңгіме ресейлік кәсіпкер Константин Малофеевтен алынатын 5,4 миллион доллар туралы болып отыр.

АҚШ бас прокуроры Меррик Гарланд жұма күні CNN арнасына  «Бүгін мен тәркіленген ресейлік активтерді Украинада пайдалану үшін рұқсат бергенімді жариялаймын» деп мәсімдеді.

Бұл туралы Украинадан келген әріптесі Андрей Костиннің қатысуымен АҚШ Әділет министрлігінде өткен шарада айтылды. Бұл Нью-Йорк Оңтүстік округінің сотынан рұқсат алғаннан кейін мүмкін болғаны атап өтілді.

АҚШ Әділет министрлігіне «Еуропада кремлшіл БАҚ жұмысын ұйымдастыруды жалғастыра отырып, оған қарсы салынған санкцияларды бұзған» кәсіпкерден шамамен 5,4 миллион долларды тәркілеуге рұқсат берілді.

Айтпақшы, Малофеев 2014 жылдан бері АҚШ-тың санкция тізіміндегі адамдардың бірі болатын.