Ресейлік компаниялар санкцияны Қазақстан арқылы айналып өтпекші

Ресейлік компаниялар Қазақстаннан санкцияларды айналып өтуге көмектесуді  сұрап отыр, деп хабарлайды Reuters.

«Соңғы уақытта ресейлік компаниялар қазақстандық әріптестеріне Батыс санкцияларын айналып  өтуге және өте қажет тауарларды импорттауға көмектесу туралы  өтініштерді жаңбырша жаудыруда»  дейді жағдайды жақсы білетін адамдар.

Өздеріңіз білетіндей, Батыс санкциялары енгізілгеннен кейін Ресей кәсіпкерлері бұл шектеулерді айналып өту үшін үшінші елдер арқылы әртүрлі жеткізу тізбегін құра бастады.

Басылымның хабарлауынша, анонимді дереккөздер Қазақстан аумағы арқылы мойынтірек пен ұшақ бөлшектерінен бастап, сирек кездесетін металдарға дейін өткізу үшін Ресейден көмек сұрайтындардың көбейгенін айтады.

«Екі дереккөз Ресейдің Түркияның санкцияланған жүктердің транзитімен күресу жоспарының артқанымен тікелей байланыстырды. Қазақстан үкіметі түсініктеме беру туралы сұрауларға жауап бермеді» деп хабарлайды БАҚ.

Дереккөздер сонымен қатар көбінесе өнімде рұқсат етілген компоненттер болуы мүмкін, бірақ негізінен заттың өзіне тыйым салынбаған, сондықтан бұл заңды бұзбайтындығын айтыпты. Тағы бір дереккөз ресейлік банктердің Қазақстан арқылы өткізу үшін  банк карталарын шығаруға қажетті құрал-жабдықтар мен пластмассаларды әкеліп жатқанын хабарлапты.

Олардың пайымдауынша, осындай сауданың өсуіне байланысты екі ел арасындағы өткізу бекетіне  шамадан тыс салмақ түскен.

«Алайда мұндай бизнес қосымша шығындар әкеледі. Кәсіпкердің айтуынша, тауарын Ресейге қайта сататын қазақстандық кәсіпкерлер әдетте 12 пайыз ҚҚС қайтаруға құқылы, бірақ «күдікті тауарларды» тасымалдайтындар жеткізу тізбегіне түгел қауіп төндірмеу үшін оны толтырмайды» деп жазады басылым.