Ресейлік депутат Қазақстан заңнамасын сынға алды

Ресей депутаты Украинадағы соғысқа қатысқаны үшін қылмыстық жауапкершілікке тартылатын ҚР Қылмыстық кодексінің «жалдамалылық» бабын «абсурд» деп атады.

«Қазақстан, Қырғызстан және Өзбекстан – Еуразиялық экономикалық одақтың мүшелері мен бақылаушылары. Егер осы елдердің азаматтығы бар адам өзінің тарихи Отанына көмектесіп, өз Отанына баруды шешсе, олар түрмеге жабылады. Бұл абсурд! Біз бұл мәселені мемлекетаралық деңгейде шешуді ұсынамыз!» деп жазды Ресей Мемлекеттік Думасының депутаты Сергей Миронов.

Айта кетейік, ҚР ҰҚК бұған дейін қарулы қақтығыстарға қатысқан қазақстандықтар Отанына оралған жағдайда, олар шетелдік қарулы қақтығыстарға қатысу бабы бойынша бес жылдан тоғыз жылға дейінгі мерзімге бас бостандығынан айыру жазасына кесілетінін хабарлаған еді.