Ресейлік депутат: Қазақстанның жартысы ресейлік төлқұжатпен жүрер еді

Ресей Федерациясы үкіметінің шенеуніктері еңбек мигранттарының құқықтары туралы заң жобаларын дайындауда, алайда ресейліктердің құқықтары туралы заңдар баяу қабылданып жатыр.

Бұл туралы Ресей мемлекеттік Думада депутат және ТМД істері жөніндегі комитеттің төрағасы Леонид Калашников мәлімдеді.

– Шенеуніктер де, саясаткерлер де сайлау кезінде мигранттар туралы сөйлегенді жақсы көреді. Жақында біздің комитетке ішкі істер министрлігі заң жобасымен келді. Оған сәйкес үкіметке құрылысқа мигранттарды тартуға болатын халықаралық іс-шараларды таңдауға рұқсат беру керек.

Олар қандай шараны күтеміз деген сұраққа жауап бере алмады. Біз бұл заңды қайтарып жібердік. Бірақ біз аралас некеден туған балаларға азаматтық беру туралы заң қабылдауымыз керек болған. Біз оны бес жылдан бері қабылдай алмай жүрміз, – деді Калашников.

Ол жақында Донбас тұрғындарына Ресей азаматтығын алуды жеңілдететін заңдарды үлкен ықыласпен қабылданғанын еске салды.

– Егер біз 90-шы жылдары ресейлік төлқұжат алу үшін өз елінің азаматтығынан бас тартудың пайдасыздығы туралы заңдарды қабылдағанда, бүгін Украинаның жартысы мен Қазақстанның жартысы ресейлік төлқұжатпен жүрер еді. Бірақ үкіметтің ұстанымына байланысты олай жасалмады, – деп еске алды Калашников.