Ресейлік 36 мың дана жұмыртқа кері қайтарылды

Қазақстанға заңсыз өткізілмек болған ресейлік 36 мың дана жұмыртқа кері қайтарылды, деп хабарлайды Orda.kz АШМ сілтеме жасап.

2021 жылы 11 наурызда мемлекеттік ветеринарлық инспекторлар Солтүстік Қазақстан облысының сыртқы бақылау пунктінде ветеринарлық заңнаманы бұза отырып тасымалданған 36 000 дана жұмыртқаның елге кіруінің алдын алды. Жарамсыз сертификатты өнім Ресей Федерациясы мен Орынбор облысынан еліміздің ірі қалаларының біріне жіберілген. Жүк экспорттаушы ел аумағына қайтарылды.

Айта кетсек, 2021 жылдың басынан бастап жүк тасымалы барысында ветеринарлық-санитарлық ереже бұзғандарға 3 325 380 теңге айыппұл салынды.