Ресейге қатысты «күте тұру» ұстанымын ұстанған елдерге  АҚШ қауіп төндірді

АҚШ Қаржы министрі Джанет Йеллен Украинадағы оқиғаларға байланысты Ресейге қарсы санкция салған мемлекеттердің «күте тұру» ұстанымын ұстанғандардың әрекетіне бей-жай қарамайтынын айтты.

— Ресеймен қарым-қатынасты сақтау және басқалар қалдырған кеңістікті  толтыру арқылы бірдеңе ұту мүмкіндігін көріп, күте тұру  ұстанымын ұстанған елдерге бірнеше сөз айтуға рұқсат етіңіз ... Санкциялаушы елдердің біріккен коалициясы біз енгізген шектеулерді бұзатын әрекеттерге бей-жай қарамайды, - деді ол.

Министрдің айтуынша, Ресейге қарсы санкциялық қысымға АҚШ-тан бөлек, әлемдік экономиканың жартысынан астамын құрайтын 30-дан астам ел қатысуда. Шетте қалғандардың уәжін ол «көрсоқыр» деп атады. Америка Құрама Штаттары одақтастарымен бірге Украинадағы соғыс аяқталғанша Ресейдің экономикалық, қаржылық және стратегиялық оқшаулануын күшейтеді.

— Сабыр сақтаңыз: Путин өзі таңдаған сұмдық соғысты аяқтамайынша, Байден әкімшілігі серіктестерімізбен бірге Ресейді одан да үлкен экономикалық, қаржылық және стратегиялық оқшаулауға итермелейтін болады, - деді Джанет Йеллен.

АҚШ-тың Қаржы министрі  негізгі резервтік валюта ретінде долларды алмастыратын валюта табылғанға дейін көп уақыт қажет екенін айтты және бұның  мүлде болмауы мүмкін екенін айтты.

— Өздерін долларға тәуелділіктен құтқаратын жүйе ойлап тапқысы келетін елдер бар. Бірақ менің ойымша, доллар жаһандық экономиканың негізгі резервтік валютасы ретінде ауыстырылғанға дейін, егер ол бола қойған күннің өзінде  көп уақыт өтеді, - деді АҚШ Қаржы министрі.

Йеллен мұны Америка экономикасының күштілігі мен әлемдік қаржы жүйесінің тұрақтылығымен түсіндірді.