Ресейге қашпақ болған Нұрлан Мәсімов ұсталды

Іздеуде жүрген Павлодар облысы полиция департаментінің экс-бастығы, абақтыдағы Кәрім Мәсімовтың інісі Нұрлан Мәсімов Қазақстан шекарасынан Ресейге өтпек болған кезде ұсталған. Бұл туралы Сыбайлас жемқорлыққа қарсы іс-қимыл агенттігі хабарлады.

«Ағымдағы жылғы 13 шілдеде сыбайлас жемқорлыққа қарсы қызмет шекара қызметімен бірлескен жедел-іздестіру шараларының нәтижесінде Шығыс Қазақстан облысы аумағында Ресей Федерациясымен жалғасатын мемлекеттік шекарадан жалған құжат арқылы өту әрекеті кезінде Нұрлан Мырзаханұлы Мәсімовті ұстады» делінген Антикор хабарламасында.

Еске салайық, Нұрлан Мәсімовке аса ауыр жемқорлық қылмыс жасады деген айып тағылған еді.