Ресейге қарсы соғысқа рұқсат берсе барамын – Нұрлан Албан

Украина мен Ресей арасындағы қақтығыс елді алаңдатып отыр. Осыған қатысты өнер өкілдері де өз пікірлерімен бөлісті.

«Егер бізге рұқсат берсе, Ресейге қарсы соғысқа мен барар едім» деді Нұрлан Албан.

Ал Мақпал Исабекова екі ел арасындағы жағдайға алаңдап отырғанын айтты.

«Мен қазір әлемде болып жатқан жағдайдан басқа ештеңе ойлай алмаймын. Мен жаңалықтарды үнемі оқып отырамын. Өшіре алмаймын, ештеңеге ойламай отыра алмаймын. Бірнәрсе жасауға деген құлшынысым да жоқ» деп жазды Мақпал Исабекова.

Алайда ҚР СІМ Қазақстан азаматтарына Украинаға баруға және соғыс қимылдарына қатысуға кеңес бермейді.

Еске салсақ, Украина полицияға көмектесіп, соғыс қимылдарына қатысқысы келетін азаматтарға визалық режимді алып тастады.

Ал өткен жылдары бірнеше қазақстандық ЛХР мен ДХР әскери құрамаларына қатысқаны үшін сотталды.