Ресейдің мемлекеттік компаниялары түскен пайданың 50 пайызын соғыс қажеттіліктері үшін беруі мүмкін

Ресей үкіметі мемлекеттік компаниялардан, көмір және тыңайтқыш өндірушілерден осындай жолмен көбірек ақша алуға тырысады, деп хабарлады Bloomberg.

Украинаға қарсы соғысқа жұмсалатын шығындардың өсуіне байланысты Ресей билігі тыңайтқыштар мен көмір өндіруші компаниялардан «біржолғы жәрдемақы» алуға, сондай-ақ қорғанысқа байланысты емес шығындарды қысқартуға шешім қабылдады, деп хабарлайды  DW басылымы.

Bloomberg агенттігінің хабарлауынша, бұл туралы Ресей премьер-министрі Михаил Мишустин желтоқсанның ортасында дайындаған құжатта айтылған. Дегенмен ол туралы ресми түрде ештеңе белгілі емес.

Агенттік дереккөздерінің хабарлауынша, Ресей билігі мемлекеттік компанияларға таза пайданың 50%-дан астамы мөлшерінде дивидендтер белгілеуді көздеп отыр және бұл шара тұрақты емес, бір реттік болуы мүмкін. Дереккөздердің хабарлауынша, үкіметтегі компаниялардан дивидендтер мен өндіріп алу мөлшері туралы шешім әлі қабылданған жоқ.  

Ол 2022 жыл қорытындысы бойына  бюджет тапшылығының қандай болатынына байланысты болады. Сонымен қатар, құжат қорғаныс пен қауіпсіздікке байланысты емес бюджет шығыстарын қысқартуға сілтеме жасайды, соның арқасында кемінде 150 миллиард рубль үнемдеу жоспарлануда. Атап айтқанда, әлеуметтік салаға – білім мен медицинаға жұмсалатын қаржы қысқартылады.

Алынған қаражатты соғыс шығындарын жабуға жұмсау жоспарлануда. Сондай-ақ, ведомствоның мәліметінше, құжатта Херсон облысынан Ресейге 100 мың адамды мәжбүрлеп көшіру үшін қосымша 175 миллиард рубль бөлу туралы айтылған.

Ресей Федерациясының үкіметі мен Қаржы министрлігі Bloomberg сауалына жауап бермеген. Агенттік мұны Ресейдегі жаңа жылдық мерекелермен байланыстырады.