Ресейдің халық әртісі Гоша Куценконың көлігінен әйелдің мәйіті табылды

Ресейдің халық әртісі Гоша Куценконың көлігінен зорланған, денесінде көптеген пышақ жарақаттары бар әйелдің мәйіті табылды. Күдікті ұсталды, деп хабарлайды Orda.kz.

SHOT деректеріне сүйенсек, Мәскеу тұрғындары Кутузов даңғылындағы бір үйдің ауласында ескі «Запорожец» көлігіндегі әйелдің мәйітін байқаған. Бұл көлік Ресейдің халық әртісі Гоша Куценкоға тиесілі екені анықталды. Көлік ашық тұрды.

Сарапшылардың айтуынша, әйел бірнеше сағат бұрын өлтірілген, оның денесінде көп жарақаттар мен пышақ іздері бар. Күдікті кем дегенде 12 рет пышақ сұққан. Мәйіттің қасында, көліктің ішінен  пайдаланылған контрацептивтер табылды. Қаза болған әйелдің жеке басы анықталуда, оның жасы шамамен 30-35 аралығында.

Әйелді өлтірген күдікті ұсталды. SHOT ақпаратына сәйкес, күдікті — Қазан қаласынан келген 30 жастағы жұмыссыз Альберт Абдуллин. Ол бұдан бұрын адам өлтіру, зорлау, тонау, ұрлық, билік өкілін қорлау, өлтірумен қорқыту және денсаулыққа ауыр зиян келтіру баптары бойынша сотталған. Қылмыстық іс «Адам өлтіру» бабы бойынша қозғалды.