Ресейдің бұрынғы премьер-министрі террористер мен экстремистер тізіміне енгізілді

Ресей Федерациясында шетелдік агент ретінде танылған Ресейдің бұрынғы премьер-министрі Михаил Касьянов террористер мен экстремистер тізіміне енгізілді, деп хабарлайды Orda.kz.

Бұл туралы ақпарат Росфинмониторингтің ресми сайтында жарияланды.

Өткен жылдың қараша айында премьер-министр шетелдік агенттердің қызметі туралы заңды бұзғаны үшін әкімшілік жауапкершілікке тартылды. Мәскеудің Таган аудандық соты оны кінәлі деп тауып, 45 мың рубль көлемінде айыппұл тағайындады. 2023 жылдың қарашасында Касьяновты шетелдік агент деп таныды. 

«Ол шетелдік агенттердің хабарламалары мен материалдарын таратты. Ресей Федерациясының мемлекеттік органдары қабылдаған шешімдер мен олар жүргізетін саясат туралы жалған ақпарат таратты»,  деп мәлімдеді Әділет министрлігі. 

Қазіргі таңда Касьянов Ресей Федерациясынан кетіп, басқа елде тұрып жатыр.

Касьянов 2000-2004 жылдары Ресей үкіметін басқарған.

Айта кетейік, Түркістанда тілсіз жау 12 адамның, оның ішінде тоғыз баланың өмірін жалмады.