«Ресейдің жалған ақпаратын әшкерелейтін» орталық құрылады

Қырғи-қабақ соғыстан кейінгі «Ресейдің жалған ақпаратын әшкерелейтін» бірінші орталық Ұлыбританияда құрылды.

Ұлыбританияның сыртқы істер министрі Элизабет Трасс Ресейден келетін «жалған ақпаратпен» күресуге бағытталған үкіметтік ақпарат орталығын құру туралы хабарлады.

Трасс ханым  Daily Mail газетіне берген сұхбатында айтқандай, құрылымды құруға Украина төңірегіндегі жағдай себеп болды.

Британ Сыртқы істер министрлігінің басшысы қырғи-қабақ соғыстың соңында олар тарапынан ақпараттық бөлімше таратылғанын, бірақ Ресей өз бөлімшесін таратпай сақтап қалғанын, сондықтан олар көптеген жылдар бойы «ресейлік жалған ақпаратпен бетпе-бет келгенін» түсіндірді. Оның айтуынша, ақпан айының басынан бері Ресей тарапынан жалған ақпарат таратудың 40 фактісі анықталған.

— Соңғы аптада жалған ақпарат тарату белсенділігі екі есе өсті, сондықтан біз Ресейдің дайындалып жатқанын білеміз, - деді министр.

Трасс Ресей әскерлерінің Украина шекарасынан шығарылғанын жалған ақпарат деп атады, сонымен қатар Мәскеу, керісінше, ол жаққа көбірек күш  тартып жатқанын мәлімдеді.

— Біз әлі де Путиннің шабуыл жасауы мүмкін екеніне сенеміз және біз бұған дайындалуымыз керек, - деп қосты ол.

Министр сондай-ақ Ресейдің «Киевте қуыршақ үкіметін» құру және Украинаның арандатушылық әрекетін «қойылымы «жоспарлары» әлдеқашан әшкереленгенін айтты.

Айта кетейік, бұл Батыста қырғи-қабақ соғыс аяқталғаннан кейін жұмыс істей бастаған мұндай орталық.

Бұған дейін АҚШ президенті Джо Байден Ресейдің Украинаға басып кіруі жақын күндері басталуы мүмкін екенін айтқан. Біраз уақыттан кейін Ұлыбританияның қорғаныс министрлігі ықтимал басып алу жоспарын жариялады.

Сонымен бірге жақында ЛХР мен ДХР басшылары Ресейдің шекаралас аймақтарына халықты эвакуациялау басталғанын хабарлады.