Ресейдің Украинадағы тұрғын ауданға зымырандық шабуыл жасағаны хабарланды

Ресейдің Украинадағы тұрғын ауданға зымырандық шабуыл жасағаны туралы хабарланды.

«Соққы басқарылмайтын «Смерч» зымырандарымен берілді. Қаза болғандар мен жараланғандар туралы ақпарат нақтыланып жатыр» деп хабарлады UNIAN басылымы.

Дәлел ретінде Харьков маңындағы көпқабатты үйді атқылаған бейнеролик ұсынылды.

Бұған дейін Ресей билігі бейбіт халыққа қару қолданылмайтынын мәлімдеген болатын.

Еске салсақ бұған дейін Ресей президенті Владимир Путин Украинада арнайы әскери операция жүргізу, сол арқылы оған соғыс жариялау туралы шешім қабылдағанын мәлімдеген. Украина әскерилерінің айтуынша, шабуылға Беларусь те қатысып жатыр. Украинаға басып кіру оның ресейлік теледидарда сөйлеген сөзі аяқталмай тұрып басталды. Шабуыл теңізден, құрлықтан және әуеден жүзеге асырылады. Украинада әскери жағдай енгізілді, ал президент Владимир Зеленский украин әскерлеріне ресейлік әскерлерге барынша зиян келтіруді бұйырды.

Қазақстанда Украинадағы соғысқа байланысты әуе жолаушыларына сенім телефоны іске қосылды. Сонымен қатар, қазақстандық әуе компанияларына Украинаның үстінен ұшуға тыйым салынды. Ресей Украинамен шекаралас қарулы қақтығыстар аймағындағы барлық елдерге әуе кеңістігін жабуды ұсынды. Қазақстанның Сыртқы істер министрлігінің мәліметінше, Украинадан қазақстандықтарды эвакуациялау басталды. Сыртқы істер министрлігі Қазақстанның Украинадағы құрметті консулдарының байланыстарымен таныстырды.