Ресейдің Кемерово облысында ұшақ апатынан 9 адам қаза тапты

Ресейдің Кемерово облысында бортында спортшы-парашютистері бар ұшақ апатқа ұшырап, 9 адам қаза тапты.

Бұл туралы Orda.kz.  ТАСС агенттігіне сілтеме жасап  хабарлады.

Ақпарат бойынша оқиға кезінде  13 адам зардап шеккен. Оқиға Кузбасстың Промышленный ауданында Новосибирск облысымен шекаралас жерде орналасқан Танай аэродромында болды.

Аэродром  базасында Кузбасс парашют орталығы жұмыс істейді. Бұл жерде  спортшылар мен әуесқойлар үшін  парашют-десант жаттығулары тұрақты түрде өткізіледі.

Ресейдің Кемерово облысында парашютші спортшылар мінген шағын ұшақ апатқа ұшырап, 9 адам қаза тапты.

Тағы оннан аса кісі жарақат алып,  бірнешеуінің халі ауыр. Кузбасс қаласының Танай әуежайынан ұшып шыққан ұшақ көкке көтерілгенде  бір қозғалтқышы істемей қалған. Ұшақ бортында 24 адам болған.