Ресейден Қазақстанға құйылған инвестиция көлемі 20%-ға қысқарды

2022 жылы Ресейден Қазақстанға құйылған инвестиция 1,5 миллиард АҚШ доллары болды, бұл Украинамен қақтығысқа дейінгі жағдайдан 20 пайызға аз.

Сыртқы істер вице-министрі Алмас Айдаров Қазақстанға Ресейден келетін инвестиция ағынының азайғанын мәлімдеді.

Ол Украинада соғыс басталғаннан кейін төмендеу шамамен 20 пайыз болғанын атап өтті.

«Егер ресми түрде алатын болсақ, 2022 жылы Ресейден Қазақстанға инвестиция ағыны шамамен 1,5 млрд АҚШ доллар болды. Бірақ бұл құлдырау. 2021 жылы бұл сома 20 пайызға жоғары болған», - деп түсіндірді Айдаров.

Бұл ретте ол ресми инвестицияның қысқаруына қарамастан, Ресейден Қазақстанға келетін компаниялардың, бірінші кезекте батыстық компаниялар санының айтарлықтай артқанын атап өтті.

«Қырықтан астам ел Ресейге қарсы экономикалық санкциялар салды. Әрине, көптеген ресейлік компаниялар ғана емес, Ресейде жұмыс істеп келген көптеген батыс компаниялары қазір мұны жалғастыра алмайды, бірақ сонымен бірге олар Еуразия құрлығында қалғысы келеді. Сондықтан олар бизнестерін көшіруді қарастырып жатқан ең жақын ел бізбіз», - деді Айдаров.

Ол қазіргі таңда Қазақстанға орналасу мәселесіне 400-ге жуық компания қызығушылық танытып отырғанын айтты. Көбінесе АҚШ, Германия, Оңтүстік Кореядан.