Ресейден Қазақстанға 21 компания көшіп келді

Сыртқы істер министрінің орынбасары Алмас Айдаров Қазақстанға көшіп келген компанияларға елімізде жұмыс істеуге арнайы жағдай жасалмайтынын айтты.

Ол жалпы шарттар бойынша қазақстандық компаниялармен бәсекеге түсе алатынын түсіндірді. Алайда вице-министр олар кейде заңнаманы жаңа кәсіпорындар әкелетін инновацияларға сәйкестендіретінін мойындады.

- Егер бұрын Еуразия нарығында болғысы келетін, сауда жасайтын, жұмыс істейтін, тауарларын осында өткізгісі келетін компаниялар Ресей экономикасының бізден он есе үлкен болуына байланысты бас кеңсе ретінде Мәскеу, Санкт-Петербург қалаларын таңдаса, қазір санкцияға байланысты олар басқа қалаларды таңдауы керек, ал біз балама ретінде – Астана мен Алматыны ұсынамыз, – деді ол.

Айдаровтың айтуынша, олар Ресейде жұмыс істеп жатқан 362 шетелдік компаниямен байланысып, кеңселерін Қазақстанға көшіруді ұсынған. Оның ішінде 62 фирма келісімін беріп, 21-і республикаға көшіп үлгерді. Олардың ішінде Айдаров Honeywell, TikTok, Indriver, Fortescue Metals Group және Alstom компанияларын атады.

- Бұл жұмыс жалғасын табады. Біз 362 компанияны нысанаға алып отырмыз, бұл тізім өсіп келеді, кейбір компаниялар бірден бас тартумен жауап береді немесе оқиғалардың дамуын қадағалайтындарын айтады. Бірақ бұл жұмыс жалғасын табады және бұл жағдайда экономикамызға жақсы әсер етеді деп ойлаймын. Бізде бұрынғы нарықтың шектеулерге байланысты біз көтере алмайтын жаңа компаниялардың пайда болуы мүмкін, - деді ол.