Ресейден әкелінетін тауарларға сұраныстың артуы теңгенің әлсіреуіне әкелді – Ұлттық банк

Әлемдік инфляция жеделдеп, жаһандық экономиканың баяулауына байланысты банктер тәуекелдерге баруы керек. Мұнай мен теңге бағасының ахуалы туралы ҚРҰБ Төрағасының орынбасары Ә.М. Молдабекова айтты.

Молдабекова мұнайдың бағасы өскенін мәлімдеді. Ал мұнай бағасының өсуіне себеп болған фактор – табиғи газдың жетіспеушілігі.

– Қазанда мұнайдың әлемдік бағасы 84,38 АҚШ долларына дейін 7,5%-ға өсті. Табиғи газдың жетіспеушілігі мұнай өнімдеріне қосымша сұраныс тудырады. Талдаушылар табиғи газдан мұнайға ауысудың шикі мұнайға сұранысты күніне 250 000 баррельден 750 000 баррельге дейін арттыруы мүмкін екенін есептеп шығарды, - деді ол.

Сондай-ақ, ҰБ төрағасы Ресейден келетін тауарларға сұраныстың артуы теңгенің әлсіреуіне әкелді.

– Бизнес пен халық тарапынан шетел валютасына сұраныстың өсуіне Ресей тауарлары импортының артуы айқын мысал бола алады. Мен соңғы берген сұхбатта биылғы жылғы екінші тоқсанның нәтижесі бойынша Ресейден әкелінетін импорт 4,2 млрд АҚШ долларына жетіп, 2020 жылғы екінші тоқсанмен салыстырғанда 36,1%-ға ұлғайғанын, ал осы жылғы бірінші тоқсанда осындай көрсеткіш 2,4% болғанын атап өткен едім. Осылайша, Ресей Федерациясынан әкелінетін тауарларға ішкі сұраныстың артуы теңгенің Ресей рубліне қатысты айырбастау бағамының әлсіреуіне алып келеді. Биылғы жылғы қазанда теңгенің рубльге қатысты бағамы бір рубль үшін 5,85 теңгеден 6,05 теңгеге дейін немесе 3,4%-ға әлсіреді, - деді Молдабекова.