Ресейден келген 170 тоннадан астам картоп кері қайтарылды

Қазақстан Ресейден 170,9 тонна картоп әкелуге рұқсат бермеді, деп хабарлайды ҚР Ауыл шаруашылығы министрлігінің баспасөз қызметі.

«18-19 қыркүйекте ҚР Ауыл шаруашылығы министрлігінің Агроөнеркәсіп кешеніндегі МИК Қостанай облыстық аумақтық инспекциясы Ресей Федерациясымен шекаралас аумақта орналасқан Қайрақ фитосанитарлық бақылау бекетіндегі 12 заң бұзушылық анықтады. Қабылданған шаралар нәтижесінде өсімдіктер карантині жөніндегі мемлекеттік инспекторлар фитосанитарлық сертификаттары жоқ 170,9 тонна картоп импортын тоқтатты» делінген хабарламада. 

Әкімшілік хаттама жасалды. Картоптың бүкіл партиясы кері қайтарылғаны хабарланды.