Ресейден келетін «қауіпті сүтке» тосқауыл қойылуда

Бұдан былай Қазақстан Ресейден әкелінетін «қауіпті сүт»  өнімдерінің импортына жол бермейді, деп хабарлайды Сауда және интеграция министрлігі.

«Қазақстан Республикасы Денсаулық сақтау министрлігі Санитарлық-эпидемиологиялық бақылау комитеті Ұлттық сараптама орталығы тұтынушылар құқықтарын қорғау жөніндегі қоғамдық бірлестіктер тексеру жүргізді.  Тексеру барысында сатып алынған 13 түрлі сүт өнімдерінің 19 түрінен алынған сынамалар нәтижесі бойынша тұтынушы құқықтары бұзылғандығы, яғни сүт өнімдерінің май қышқылдары құрамында сәйкессіздіктер анықталды» делінген хабарламада.

Заң бұзушылықтар «Оңтүстік сүт зауыты» ЖШС, «Саратов сүт зауыты» ЖШС, «А-7 Агро-Орынбор сүт зауыты» ЖШС, «Энгель сүт зауыты» ЖШС және «ВБД» АҚ-да анықталды.

Ақпаратқа сәйкес, Саратов сүт зауытының «Добрая буренка» ультрапастерленген сүтінің майлылығы 3,2% май қышқылдық құрамына сәйкес келмеуіне байланысты оның өнімдерін Қазақстан аумағына әкелуге уақытша шектеу қойылды.

2023 жылдың 11 мамыры мен 25 шілдесі аралығында Қазақстан Республикасы Технология министрлігінің Техникалық реттеу және метрология комитеті май қышқылдары құрамы бойынша зерттеулердің талаптарға сәйкес келмеуіне байланысты сүт өнімдерінің 42 сәйкестік декларациясының күшін жойды. 

Бұдан кейін де аккредиттелмеген немесе ЕАЭО бірыңғай тізіліміне енгізілмеген зертханаларда техникалық регламенттер және сәйкестік туралы декларацияларды тіркеу жұмыстары жүргізіледі.