Ресейден Қазақстанға 20 жыл бойы жасырынып жүрген күдікті жеткізілді

Қазақстан Республикасының Бас прокуратурасы адамдар тобымен қарақшылық жасаған күдіктіні қылмыстық жауаптылыққа тарту үшін Қазақстан азаматын Ресей Федерациясынан экстрадициялады, деп хабарлайды Orda.kz.       

Тергеу күдіктінің  2006 жылы Павлодарда адамдар тобымен қару ретiнде пайдаланылатын заттарды қолданып, қарақшылық шабуыл жасап, жәбірленушінің мүлкін ұрлағанын анықтады.

Күтіктіні қоспағанда оның басқа сыбайластары әртүрлі мерзімге бас бостандығынан айыру жазасына сотталған, ол қылмыс жасағаннан кейін қылмыстық қудалау орындарынан жасырынып жүргендіктен халықаралық іздеуге жарияланған.

2025 жылғы қыркүйекте ол Новосібір облысында ұсталып, Қазақстан Бас прокуратурасының сұрауымен елге экстрадицияланды.

Қазіргі уақытта күдікті тергеу изоляторына қамалды. Айып тағылған қылмыстар үшін мүлкі тәркіленіп, 10 жылға дейін бас бостандығынан айыру жазасы көзделген.

Оқи отырыңыз:

• Әл-Фараби даңғылындағы жол апаты: Полицейге қатысты тергеу аяқталды
• Алматы облысында полицейлер үйден күштеп шығару кезінде әйелдің қабырғасын сындырды