Ресейден Қазақстанға газ тасымалы апатқа байланысты тоқтатылды

Қазақстанға газ транзиті Орынбор облысындағы Союз құбырындағы апатқа байланысты тоқтатылды, деп хабарлады Ресей Энергетика министрлігі.

Газ қысымы 23 ақпанда сағат 07.37-де Орынбор - Новопсков газ магистралінде төмендеді.

– Орынбор - Новопсков газ құбырының 51 - 123 шақырымындағы учаскеде газ беру тоқтатылды. Газ жіберу «Союз» магистральды газ құбыры арқылы жалғасты. 08.30-да төтенше жағдайлар тобы газ құбырының жарылған жерін анықтауға кірісті. 08.49-да қызметкерлер «Союз» магистральдық газ құбырының нөлден 123 шақырымына дейінгі аралықтағы учаскесін газдан ажыратты. Бұған «Союз» газ құбырының 108-ші шақырымында 1400 диаметрі бар газ құбырының зақымдануы себеп болды. Қазақстан аумағына газ жөнелту тоқтатылды, делінген хабарламада.

Газ тұтынушыларға Орынбор - Новопсков газ құбырындағы цилиндрден жеткізіледі. Апат салдарынан ешкім зардап шеккен жоқ. Қазіргі уақытта бүлінген аймақтағы газ жанып жатыр.

Жағдай Ресейдің Энергетика министрлігінің бақылауында.