Ресейдегі Қазақстан азаматы соғысқа қарсы жазбалары үшін кешірім сұрауға мәжбүр болды

Қазақстан азаматы Ресейде тұтқындалып, Instagram желісінде соғысты айыптаған жазбалары мен жарияланымдары үшін камера алдында кешірім сұрауға мәжбүр болды.

Әлеуметтік желілерде 2022 жылы Instagram желісінде соғысқа қарсы контент жариялаған қырық жастағы Қазақстан азаматының кешірім сұраған видеосы тарап жатыр.

«2022 жылы мен Instagram-да СВО-ның әрекетін, Ресей азаматтарын қорлайтын және Ресей президенті Владимир Путиннің беделін түсіретін бейнероликтерді жарияладым. Қазір Чернышевскіде жүріп, бәрі әлемдік насихаттағыдай емес екенін түсіндім. Мен жасаған әрекетіме өкініп, кешірім сұраймын»,-  дейді әйел видеода.

Бірқатар ресейлік ақпарат құралдарының хабарлауынша, қазақстандық әйел Забайкалье ауылына қонаққа келген. Ол жерде ол мас күйінде соғысқа қарсы және «русофобия» ұрандарын айтып, оқиға куәгерлері полиция шақырған. Құқық қорғау органдары оның телефонынан Ресейге қарсы көптеген жазба тапты.

Қазақстан Республикасының Сыртқы істер министрлігі Orda.kz тілшісіне қазақстандық әйелдің қазір Ресейде әкімшілік қамауға алынғанын растады.

«Әкімшілік қамауға алу мерзімін өтегеннен кейін ол Ресей Федерациясынан шығарылады» деп түсіндірді департаменттің баспасөз қызметі.