Ресейде жануарларға арналған коронавирустық вакцина тіркелді

Ресейде жануарларға арналған алғашқы коронавирустық вакцина тіркелді.

Ақпарат ТАСС порталында жарияланды, деп хабарлайды Orda.kz.

Ресейде Россельхознадзор ғалымдары жасаған жануарларға арналған жаңа типтегі коронавирусқа қарсы әлемдегі алғашқы вакцина тіркелді. Бұл туралы журналистерге қадағалау бөлімі басшысының орынбасары Константин Савенков хабарлады.

— Ресейде «жануарлардың денсаулығын сақтау Федералды орталығы» әзірлеген «Карнивак-Ков» жануарлардың коронавирустық инфекциясына қарсы вакцина тіркелді. Бұл әлемдегі алғашқы және жалғыз жануарларға арналған COVID-19 профилактикалық препараты, - деді ол.

Оның айтуынша, сәуір айында елдегі ең ірі жануарлардың денсаулығын сақтау Федералды орталығында жануарларға арналған дәрі-дәрмек платформасының негізінде аталған вакцинаның жаппай өндірісі басталуы мүмкін.