Ресейде жалпыхалықтық толқулар басталды

Мәскеу, Санкт-Петербург қалаларында ішінара әскер жұмылдыруға қарсы наразылық шаралары өтті. Наразы жұрт ұрандарын айтып, плакат ұстап қалалардың орталық алаңдарына барды. Митингіге қатысқан 1300-ден астам қамауға алынған.

Халықтық толқуларға ұлдары әскерге шақыру жасына келген аналар да қатысты. Наразылық білдірушілер «соғысқа жол жоқ» деп ұрандатты.

«Көшеге шығыңыздар, парақшаларда таратыңыздар, әлеуметтік желілерде ақпаратпен бөлісіңіздер. Олардың бұл әрекетіне жол бермеу керек. Қоғам ынтымақты үйренуі керек. Өзіңізді қорғаңыз, бірақ полицияға қатысты зорлық-зомбылық әрекетін жасамаңыздар. Ұлдарыңыздың, күйеулеріңіздің, туыстарыңыздың артынан қара қағаз алу митингке шыққаннан гөрі әлдеқайда қорқынышты» делінген «Көктем» қозғалысы үндеуінде.