Ресейде ұсталған қазақстандық: адвокатпен хабарластырмай, сотқа апарды
Ресейдің Хакасия аймағында ұсталған Назгүл Кенжетай осыдан алты күн бұрын оны адвокатпен байланыстырмай соттап жібергені туралы айтты. Назгүлдің сөзін адвокаты да растап отыр, олар сот шешіміне шағым түсіруге ниетті.
Азаттық радиосының хабарлауынша, Стамбұл университетінің магистранты түркілер жайлы фильм түсіруге Ресейге барып, сонда ұсталған. Жанындағы операторы Эмин Карачак та қоса қамауға алынған. Назгүл туралы ақпарат желіде бір күн бұрын пайда болды.
Оларды Ресей билігі журналист бола тұра аккредитациясыз жұмыс істеді деп айыптап, депортациялайтындарын айтқан. Қазір журналист пен оператор Абакандағы уақытша ұстау изоляторында. Сол жерден депортацияланатын болады.
Олардың түсірген материалдары жойылған, заттары тәркіленген.
«Апыр-топыр, не болып жатқанын айтпай, телефондарды әдейі бермей, адвокатқа байланысқа рұқсат бермей, сотқа апарды. Судья Зарубин бізді тыңдамай дәлелсіз сот өткізіп, депортация туралы шешім шығарды» деді Назгүл Кенжетай.
Қазіргі таңда Назгүлдің адвокаты Айаз Тюньдешевтың сотқа қояр сұрағы көп.
«Біздің ойымызша, оларды мүлде заңсыз ұстаған, себебі бірінші кезекте оларға адвокат жібермеген. Телефондарын тартып алған. Оларға қай жерде отырғандықтарын айтпаған. Олар маған сотта отырмыз деп хабарлаған кезде мен тіпті қай сотқа барарымды білмедім» дейді адвокат.
Олар сот шешіміне шағым түсіруге ниетті.
Ал Назгүлдің ағасы ғалым Досай Кенжетай Қазақстанның Ресейдегі елшілігімен сөйлесіп үлгерген. Оның айтуынша, олар «бәрі жақсы болады» деп сендіріп отыр.
Магистратурада оқитын Назгүлдің дипломдық тақырыбы – құрып бара жатқан аз түркі халықтарының болмысы туралы зерттеу. Ол бұған дейін Якутиядан ақпарат жинап, сол үшін айыппұл төлеуге міндеттелген.
Жаңалықтар
- Тараз полицейлері тыныс алуы тоқтаған баланы аман алып қалды
- Су басқан аймақтардағы оқушылар емтиханнан босатылады
- Су басқан аймақтардағы оқушылар емтиханнан босатылады
- Лудомандар санын азайту үшін 80 млн теңге бөлінуі мүмкін
- Новороссийскіге ұшқышсыз шабуыл: Қазақстан мұнайының экспортына қауіп төніп тұр ма?
- БҚО-да түлектердің ақшасына жасалған ұстазға арналған ескерткіш бұзылды
- Антикор Ауыл шаруашылығы министрлігіндегі пара алу ісі бойынша тергеуді аяқтады
- Алматыда жаңа саябақ пайда болады
- Бүгін Қасым-Жомарт Тоқаевтың туған күні
- Ұлттық экономика вице-министрі қызметінен кетті
- Ералы Тоғжанов премьер-министрдің кеңесшісі болып тағайындалды
- Алматы мен Алматы облысында өзен тасуы мүмкін
- Семейде бір ай бұрын жоғалып кеткен қыздың денесі табылды
- TikTok жұлдызы Мұрат Әбділданың мерзімінен бұрын босату туралы өтініші қаралды
- Мемлекет басшысы биліктегі біршама тұлғаларды орнынан босатып, біразын тағайындады
- Үйі жоқ халықты коммуналдық төлемдерден босату қаншалық орынды?
- Футбол добының орнына кірпі: Ақтөбеде жігіттерге қатысты қылмыстық іс қозғалды
- «Самұрық-Қазына» өзінің еншілес ұйымына екі ірі су электр стансасын берді
- Мемлекет басшысы Малайзия Премьер-министрі Ануар Ибрагиммен кездесті
- Дұғалар, прокуратура, облыс әкімі және Атыраудан жүк көлігі: Құлсарыдағы митинг жалғасып жатыр