Ресейде ұшақ теңізге құлап 28 адам, оның ішінде балалар мерт болды

Ресейде Ан-26 жолаушылар ұшағы қонатын кезде байланысқа шықпай қалған.

Бұл туралы Orda.kz РИА Новостиге сілтеме жасап хабарлады.

Ресми мәлімет бойынша ұшақ Петропавловск-Камчатский қаласынан Палана кентіне адам тасымалдаған.

Болжам бойынша ол теңізге құлаған. Ұшақ Палана кентіне 9 шақырымдай жерде байланыстан үзілген.

Онда экипаждың 6 мүшесі, 22 жолаушы, оның ішінде 6-17 жас аралығындағы балалар болған.

Жергілікті биліктің ұсынған тізімінде Палана кенті әкімшілігінің төрт қызметкері - кент басшысы Ольга Мохирева, жұмылдыру бөлімінің басшысы Александр Андрейкин, қаржы басқармасының басшысы Ольга Андрейкина, білім беру, әлеуметтік қорғау, мәдениет және спорт бөлімі басшысының орынбасары Юлия Суровцева бар.

Қазір аймақта құтқарушылар жұмыс істеп жатыр. Қылмыстық іс қозғалды.