Ресейде «президент» лауазымына қатысты заңға өзгеріс енгізілді

Ресей президенті Владимир Путин Федерацияның субъектілерінде мемлекеттік билікті ұйымдастыру туралы заңға қол қойды.

Тиісті құжат құқықтық ақпараттың ресми порталында жарияланды.

Заң Федерация субъектісінің басшысы лауазымының атауында «президент» сөзін қолдануға тыйым салады. Қазіргі таңда Путинмен қатар президент лауазымын қолданатын Ресейге қарайтын ел Татарстан ғана.

Норма Ресей субъектілерінің басшыларына қатарынан екі мерзімнен артық сайлануға мүмкіндік береді. Енді субъектінің басшысы бес жылға сайланады. Бұрын өкілеттікті мерзімі аймақтың өзі таңдайтын еді, бірақ бес жылдан аспауы керек.

Заңға сәйкес, аймақ басшысын Ресей Федерациясы президентінің сенімін жоғалтуына байланысты немесе жергілікті заң шығарушы органға сенімсіздік білдіруіне байланысты қызметінен босатылуы мүмкін. Сондай-ақ, мемлекет басшысы өңірлер басшыларының өкілеттіктерін кез келген негіздер бойынша тоқтатуы мүмкін.

Татарстан – Ресейдегі президент басқаратын жалғыз республика, ал басқа республикаларда басшылар «аймақ басшысы» деп аталады. Татарстандағы билік органдарының ерекше мәртебесі 1994 жылғы шартта бекітілді. 2017 жылы бұл құжаттың мерзімі аяқталды және федералды билік оны ұзартпады. Ал Татарстанда «президент» атауы сақталды. 2020 жылы Рустам Минниханов бұл қызметке қайта сайланды.

9 қарашада Дума бірінші оқылымда бастама көтерді. 14 желтоқсанда ол екінші және үшінші оқулардан сәтті өтті.

Федерация кеңесі заңды 15 желтоқсанда мақұлдады. Оны 146 сенатор қолдап, төртеуі қарсы болды.