Ресейде Нығматулиннің ұлдарымен байланысты зауыт активтері бұғатталды

Ресейде қарызға байланысты Мәжілістің экс-спикері Нұрлан Нығматулиннің ұлдарына қатысы бар қазақстандық «Новоджамбыл фосфор зауыты» (НДЗФ) ЖШС активтері бұғатталды.

Бұл туралы ресейлік «Коммерсантъ» басылымы хабарлады.

«Кемерово облысының арбитраждық соты «Новокузнецк тау-кен компаниясы» жауапкершілігі шектеулі серіктестігінің өтініштерін қанағаттандырып, Қазақстаннан «Новоджамбыл фосфор зауыты» ЖШС-нің (НДЗФ) «Қазақстан Халық банкі» АҚ мен Мәскеудегі Москоммерцбанк ОК-ге берген қаражатын бұғаттады. Тәркіленген қаржы  196,33 миллион рубль және 513,23 миллион рубль болды» деп хабарлайды басылым.

Сот материалдарында айтылғандай, аталған талаптар бойынша алдын ала тыңдаулар 22 сәуір мен 29 мамырға белгіленді.

«Өндіру қазақстандық серіктестің Тау-кен компаниясымен келісім-шарттары бойынша қарызына байланысты жүргізілуде. Оның веб-сайтында ол көмір коксын жеткізеді деп жазылған. «NDZF» ЖШС фосфаттарды бөліп алып, тыңайтқыштар мен басқа да өнімдерді өңдейді» деп нақтылайды басылым.