Ресейде курс сатқан блогер 7 жылға сотталды

Ресейде блогер, бизнес-коуч Аяз Шабутдинов курс сатып алаяқтық әрекетке барғаны үшін сотталды, деп хабарлайды Orda.kz. 

Блогер кінәсін мойындады. Ол бәрі кәсіпкер бола алады деп ойлағанын, бірақ ол мүмкін емес екенін айтты.

Аяз Шабутдинов 7 жылға бас бостандығынан айырылды. Ол алаяқтық әрекеттердің 113 эпизоды бойынша кінәлі деп танылды. 

Шабутдиновтың алаяқтығынан келтірілген залалдың жалпы сомасы 57 млн рубльден (350 млн теңгеден астам) асқан. Блогер 2023 жылдың қарашасында қамауға алынды және оның ісін тергеу бір жылдан астам уақытқа созылды. 

Прокуратура блогердің курсында шындыққа сәйкес келмейтін мәліметтер берілгенін атап өтті. 

Айта кетейік, бұған дейін Астанада блогерлер Ерболат Жанабылов пен Эльмира Төлегеноваға қатысты әкімшілік іс қозғалған болатын. Істен қылмыстық құқық бұзушылық белгілері анықталғаннан кейін, судья Малика Ноғайбекова қылмыстық іс қозғау туралы шешім қабылдады.