Ресейде Facebook толығымен бұғатталды

Ресей Федерациясында Facebook әлеуметтік желісі толығымен бұғатталды.

Бұл туралы Роскомнадзор хабарлайды.

«4 наурызда Ресей Федерациясында Facebook желісіне (Meta Platforms, Inc. компаниясына тиесілі) кіруге тыйым салу туралы шешім қабылданды. 2020 жылдың қазан айынан бері Facebook тарапынан ресейлік БАҚ пен ақпараттық ресурстарды кемсітудің 26 оқиғасы тіркелді. Соңғы күндері әлеуметтік желіде аккаунттарға кіру шектелді: Звезда телеарнасы, РИА Новости ақпараттық агенттігі, Sputnik, Russia Today, Lenta.ru және Gazeta.ru ақпараттық ресурстары, делінген хабарламада.

Ресей департаментінде айтылғандай, жоғарыда аталған шектеулер «Адамның негізгі құқықтары мен бостандықтарын, Ресей Федерациясы азаматтарының құқықтары мен бостандықтарын бұзуға қатысы бар адамдарға ықпал ету шаралары туралы» № 272-ФЗ Федералдық заңымен тыйым салынған.

Сонымен қатар, «ақпаратты еркін таратудың негізгі қағидаттарының бұзылуына және ресейлік пайдаланушылардың шетелдік интернет-платформаларда ресейлік БАҚ-қа кедергісіз қол жеткізуіне жол бермеу.

Еске салсақ, Ресей президенті Владимир Путин Донбас республикалары басшыларының үндеуіне жауап ретінде арнайы әскери операция жүргізу туралы шешім қабылдап, Украинаға қарсы соғыс жариялады. Алайда Ресей басшысы Мәскеудің жоспарында Украина аумақтарын басып алу жоқ екенін айтқан болатын.

2 наурыз күні таңертеңгі жағдай бойынша Ресей әскері 5840 адамнан айырылды. Сондай-ақ 60-тан астам ұшақ пен тікұшақ, 862 бронетранспортер, 85 артиллериялық жүйе және басқа да көптеген техника жойылды. 28 ақпандағы жағдай бойынша 352 бейбіт тұрғын, оның ішінде 16 бала қаза тауып, 2040 адам жарақат алды.

Украина президенті Владимир Зеленский Ресей әскерінің шабуылдың алғашқы сағаттарынан бастап азаматтық инфрақұрылымға соққы беріп жатқанын айтты. Президенттің айтуынша, Ресей басқыншы әскерлерінің Украинадағы әрекеттерінде геноцид белгілері бар.

27 ақпанда Украина «басқыншылықты ақтау үшін геноцид ұғымын бұрмалағаны үшін Ресейді жауапқа тартуды» талап етіп, Халықаралық сотқа Ресейге қарсы шағым түсірді. Ресейдің Украинаға басып кіруіне қатысты тергеуді Халықаралық қылмыстық соттың прокуроры Кәрім Ханның өзі бастады.