Ресейде қамауға алынған қазақ журналисі босатылады

Ресей аймағында аккредитациясыз материал жинаған қазақстандық Назгүл Кенжетайға қатысты сот шешімі өзгертілді, деп хабарлады оның адвокаты Айаз Түндешев.

«Сот Абакан қалалық сотының шешімін өзгертіп, Назгүл мен Эминді босатуды ұйғарды. Сот шешімі әзірге қолымызға тимеді. Енді олар тым болмағанда елден өз еркімен кете алады» деп түсіндірді Түндешев Азаттық радиосына.

Әзірге Түркияда магистратурада оқыған қазақстандық журналист пен оның операторы босатылмаған. Бірақ сот оларды 24 желтоқсан босатылады деген хабарлама берген.

Еске салсақ, Стамбұл университетінің магистранты Ресейдің Хакасия аймағында түркі халықтары жайлы фильм түсіруге тырысқан. Алайда Ресей билігі оларды ұстап, заттарын тәркілеп, материалдарын жойған. Себебі, журналистердің қажетті рұқсат қағазы болмаған.

17 желтоқсанда Абакан қалалық соты журналист пен операторды депортациялау туралы шешім шығарған. Назгүлдің адвокаты сот шешіміне шағым түсірген.