Ресей Украинаға түнде 477 дрон мен ондаған зымыран жаудырды

Украина әскери күштерінің мәлімдеуінше, олардың көп бөлігін атып түсіруге мүмкіндік болған, деп хабарлайды Orda.kz.

2024 жылғы 29 маусым таңында Украина Қарулы күштерінің өкілдері тағы бір жаппай әуе шабуылы туралы хабарлады. Украина Әуе күштері қолбасшылығының мәліметінше, тек дрондардың 477 данасы ұшырылған.

Мәлімдемеге сәйкес, дрондар мен қанатты зымырандардың шамамен жартысы атып түсірілген, 225 дрон өз нысанасынан ауытқытылды, сондай-ақ бір баллистикалық зымыран жойылды.

Ресей жасаған шабуылдан жаппай құрбандар туралы ақпарат жоқ, алайда шабуыл ауқымды болған. Львов, Полтава, Черкассы, Николаев және Запорожье облыстары шабуылға ұшыраған. Черкассы облысындағы Смела қаласында көпқабатты үйге зымыран түскен кезде алты адам зардап шекті, оның ішінде бір бала бар.

Сондай-ақ, Украина Қарулы күштері әуе шабуылын тойтару кезінде бір F-16 ұшағының жойылып, оның ұшқышы қаза тапқанын хабарлады.

Украина президенті Владимир Зеленский бұл түнгі шабуылға Facebook парақшасында реакция білдірді:

«Соғысты тоқтату қажет, зомагерге қысым жасау керек, қорғаныс қажет. Баллистикалық зымырандардан, дрондардан, террордан қорғану керек. Украина әуе қорғанысын күшейтуі тиіс. Жақсы қорғайтын —  америкалық жүйелер. Біз оларды сатып алуға дайынбыз» деп жазды ол.

Бұған дейін Зеленскийдің НАТО саммиті аясында Дональд Трамппен кездесуінде АҚШ-тың әуе қорғаныс жүйелерін сатып алу мәселесін талқылағаны хабарланған болатын.