Ресей Украинадағы биологиялық зертханаларды басып алуы мүмкін - АҚШ

АҚШ Мемлекеттік хатшысының орынбасары Виктория Нуланд Украинада биологиялық зерттеу нысандары бар екенін айтты. Қазір Киев пен Вашингтон онда жинақталған материалдар ресейлік күштердің қолына өтіп кетпеу үшін жұмыс істеп жатыр.

РИА Новостидің хабарлауынша, сенаттағы тыңдау кезінде Нуландқа Украинада химиялық не биологиялық қару бар ма деген сұрақ қойылды.

«Украинада биологиялық зерттеулерге арналған қондырғылар бар. Біз ресейлік әскерлердің оларды бақылауға алуға әрекеттенуі мүмкін деп алаңдаймыз. Сондықтан біз украиндықтармен осы зерттеу материалдарының кез келгенінің ресейлік күштердің қолына түсуіне жол бермеу үшін жұмыс істеп жатырмыз» деп жауап берді Нуланд.

Ресей Қорғаныс министрлігі бұған дейін презентация өткізген. Оның қорытындысы бойынша АҚШ американдық әскери биологиялық бағдарламаға қатысқан Украинадағы биологиялық зертханаларды пайдалануға 200 млн доллардан астам қаражат жұмсаған.

Радиациялық, химиялық және биологиялық қорғаныс әскерлерінің бастығы Игорь Кириллов Львовтағы биолабораториялар оба, сібір жарасы және бруцеллез қоздырғыштарымен, Харьков пен Полтавадағы дифтерия, сальмонеллез және дизентерия ауру қоздырғыштарымен жұмыс істеген.

Ресей АҚШ-тың Украинадағы әскери биологиялық әрекеті фактілеріне байланысты Биологиялық және токсиндік қаруға тыйым салу конвенциясына сәйкес консультация механизмін іске қосуды жоққа шығармайды.

Украинадағы АҚШ қаржыландыратын биологиялық зертханалар туралы ақпаратқа түсініктеме бере отырып, Қытай Сыртқы істер министрлігінің ресми өкілі Чжао Лиццян АҚШ-ты елдегі және шетелдегі биологиялық милитаризациялау әрекеттерін түсіндіруге шақырды.