Ресей Украинаға қарсы әлі ештеңе бастаған жоқ - Путин

Ресей президенті Владимир Путин Украинадағы арнайы операция барысында Ресей әзірге маңызды шара қолданбағанын айтты.

«Бүгін олардың бізді ұрыс даласында жеңгісі келетінін естіп жатырмыз. Не дейін, бағын сынап көрсін. Батыстың бізбен соңғы украиндық қалғанға дейін соғысқысы келетінін талай рет естідік. Бұл украин халқы үшін трагедия, бірақ бәрі соған қарай келе жатыр» деді Путин Мемлекеттік Дума фракцияларының жетекшілерімен кездесуінде.

Путин «Ресей әлі ештеңе бастамағанын» айтып, Мәскеу бейбіт келіссөздерден бас тартпайтынын мәлімдеді.

«Бірақ бас тартқандар бізбен келіссөздер жүргізу одан әрі қиындай беретінін білуі керек» деді Ресей президенті.

Депутаттармен кездесуінде Владимир Путин Ресейге қарсы санкциялар бастамашыларының әлі де мақсаттарына жете алмағанын дөп басып айтты.

«Ресейге қарсы енгізілген заңсыз шаралар бізге қиындық туғызып жатыр. Бұл факт. Бірақ Ресейге қарсы экономикалық блицкригтің бастамашылары ойлағандай емес» деді Путин.

Киев Путиннің Украинаға қатысты жаңа мәлімдемелеріне пікір білдірді. Бұл туралы Украина президенті кеңсесі басшысының кеңесшісі Михаил Подоляк түсініктеме берді.

«Ұжымдық Батыстың» жоспары жоқ. Егемен Украинаға арнайы z-армия кіріп, қалаларды атқылап, бейбіт тұрғындарды өлтірді. Қалғанының бәрі қарабайыр насихат. Сондықтан Путин мырзаның «соңғы украинға дейін соғыс» туралы мантрасы – ойластырылған ресейлік геноцидтің тағы бір дәлелі» деп жазды Подоляк.