Ресей СІМ Сергей Лавров Ақтаудағы ұшақ апатына қатысты тың деректермен бөлісті

Ресейдің сыртқы істер министрі Сергей Лавров 2024 жылдың қорытындысы бойынша баспасөз мәслихатында Ақтаудағы ұшақ апаты туралы мәлімдеді, деп хабарлайды Orda.kz.

Сергей Лавровтың айтуынша Ақтауда апатқа ұшыраған Баку — Грозный ұшағының қара жәшіктерінің мазмұны бұқаралық ақпарат құралдарында пайда болған апат туралы ақпаратты растамайды.

«Арнайы кездесу өтті, біз қара жәшіктерді аштық, олардың мазмұны қазірдің өзінде көптеген қызықты ақпарат берді. Оның мазмұны толық тергеуді күту керек екеніне тағы бір рет көз жеткізді. Енді жалпы алғанда қара жәшіктердегі ақпаратпен расталмаған ақпаратты пайдаланып, медиа кеңістігінде шиеленіс тудырудың қажеті жоқ», - деді Лавров.