Ресей шекарасында Қазақстан мен Қырғызстан жүк көліктерінің жүргізушілері төбелес шығарды

Қазақстан мен Ресейдің шекарасындағы «Сырым» өткізу бекетінде Қазақстан мен Қырғызстаннан келген жүк көліктері жүргізушілері арасында жаппай төбелес болды, деп хабарлайды Orda.kz.

«Менің қалам» басылымының мәліметінше, 1 қазанға қараған түні жүргізушілер өткізу пунктінде жанжал шығарған. Қақтығысқа кейбір жүргізушілердің шекарадан өту кезінде кезекті сақтамауы себеп болған. Бұл ақпаратты БҚО полиция департаментінің баспасөз қызметі жергілікті басылымға растады.

«30 қыркүйек күні Самара — Шымкент тас жолында кезек сақталмауына байланысты жүк көліктері жүргізушілері арасында болған жанжалға қатысты тергеу басталды»,  делінген облыстық ПД мәлімдемесінде.

 Қазіргі таңда іс «Бұзақылық» бабы бойынша тергеліп жатыр.