Ресей сарбаздарды соғысқа шақырып, БҰҰ Жарғысын өрескел бұзды! - Джо Байден

АҚШ президенті Джо Байден БҰҰ Бас ассамблеясы сессиясында Ресей «БҰҰ Жарғысын бұзды» деп мәлімдеді.

АҚШ президенті Ресей Украинаға қарсы ашық соғыс жариялап қана қоймай, оның аумағын басып алуға тырысып, жалған референдум ұйымдастырды деп айыптады.

— БҰҰ Қауіпсіздік Кеңесінің тұрақты мүшесі егемен мемлекетті әлем картасынан өшірмек болып көрші елге басып кірді. Қазір Ресей соғысқа сарбаздарды көбірек шақырып жатыр, Кремль Украинаның кейбір бөліктерін аннексиялауға әрекет жасап, жалған референдум ұйымдастыруда. Ресей БҰҰ Жарғысының негізгі ережелерін өрескел бұзды. Бұл жерде көрші елдер аумағын күштеп басып алуына нақты тыйым салудан маңызды ештеңе жоқ,- деді Байден.