Ресей президентінің хатшысы Путиннің пайғамбарлық қасиеті туралы пікір білдірді

Ресей Федерациясы президентінің баспасөз хатшысы Дмитрий Песков Ресей президенті Владимир Путиннің әр түрлі салалардағы болашаққа қатысты мәлімдемелері туралы ойымен бөлісті.

Бұл туралы Orda.kz хабарлайды.

Дмитрий Песков Ресей президенті Владимир Путиннің Еуропаның энергетикалық перспективалары жөнінде шешім қабылдаудағы өзгерістер туралы ойымен бөлісті.

– Президент бірнеше рет пайғамбарлық мәлімдемелер жасаған. Оның қарусыздану, қауіпсіздік, климаттың өзгеруі туралы айтқандары – дәл келетін. Президент кейде перспективаларды суреттейді. Кейбірі оны тыңдамаса да, кейін жағдай дәл солай болып жатқанын түсінеді, – деді Песков «Россия1» телеарнасындағы «Москва. Кремль. Путин» бағдарламасында.

Путин осы аптада «Ресей энергетикалық апталығы» форумының пленарлық отырысына қатысты. Сұрақтарға жауап беру кезінде ол газ бағасының өсуіне ықпал еткен Еуропа елдерінің қателіктеріне бірнеше рет назар аударды.