Ресей премьер-министрі Тоқаевпен де, Назарбаевпен де кездеседі

Ресей премьер-министрі Михаил Мишустин бейсенбі күні Қазақстанға сапарын аяқтайды.

Бұл туралы Orda.kz хабарлайды.

Күннің бірінші жартысында Қазақстан президенті Қасым-Жомарт Тоқаевпен және республиканың тұңғыш президенті Нұрсұлтан Назарбаевпен кездесулер жоспарланған.

Тоқаевпен кездесу президенттік резиденция – Ақордада, Назарбаевпен - Қазақстан тұңғыш президентінің кітапханасында өтеді.

Кеше Ресей премьер-министрі қазақстандық әріптесі Асқар Маминмен келіссөздер жүргізді. Мишустин экономикалық ынтымақтастық жөніндегі үкіметаралық комиссияға екі елдің бірлескен жаңа инвестициялық жобалары бойынша ұсыныстар дайындауға ұсыныс жасады. Ол сондай-ақ сараптамалық бағалаулар бойынша, Ресей мен Қазақстан арасындағы тауар айналымы 2021 жылдың соңына қарай шамамен 20 млрд долларды құрауы тиіс екенін атап өтті.

Келіссөздер қорытындысы бойынша, екі ел компанияларының тау-кен өндіру, химия өнеркәсібі, темір жол көлігі және бірлескен ғылыми зерттеулер саласындағы ынтымақтастығы туралы бірнеше келісімге қол қойылды.