Ресей перзентханаға түскен бомба туралы: Бұл - украиналық радикалдар базасы

Ресейдің сыртқы істер министрі Сергей Лавров Украинадағы перзентхана мен балалар ауруханасына жасалған шабуыл туралы айтты.

Оның айтуынша, бомба түскен сәтте перзентханада жүкті әйелдер болмаған. Оны бұған дейін Украина қарулы күштері басып алған.

«Қазір Ресей әскерилеріне қатысты «айуандық» әрекеті туралы айтылып жатыр. 7 наурызда БҰҰ Қауіпсіздік кеңесінің отырысында біздің делегация аталмыш перзентхананы «Азов» батальонының басып алғанына қатысты деректер келтірген. Бұл жерден радикалдар барлық жүкті әйелдер мен медицина қызметкерлерін қуып жіберген» деді Лавров.

Ол үш күн бұрын перзентхананы Азов батальоны өзінің базасы қылып алғандығын айтты.

Еске салсақ, бұған дейін Мариупольде Ресей қарулы күштері перзентханаға соққы жасаған. Салдарынан 17 адам зардап шеккен.