Ресей мен Қазақстан Қытайға мұнай транзитін арттыруы мүмкін

Ресей мен Қазақстан республика аумағы арқылы Қытайға мұнай транзитін арттырмақшы.

Осы мақсатта жұмыс тобын құру  келісілді, деп хабарлады журналистерге РФ премьер-министрінің орынбасары Александр Новак.

Ол Ресейден Қытайға Қазақстан арқылы мұнай транзитіне қатысты бұрынғы келісімшарттың  ұзартылғанын еске салды.

Ақпан айының басында «Роснефть» мен CNPC Қытайдың солтүстік-батысындағы мұнай өңдеу зауыттары үшін 10 жыл мерзімге (2033 жылдың 31 желтоқсанына дейін) 100 миллион тонна мұнай жеткізу туралы келісімге қол қойды. Шикізат Қазақстан арқылы жеткізіледі. 2014 жылдан бері күшіне енген транзиттік келісімшарт 2022 жылы аяқталады.

Қытай бағытында Қазақстан арқылы өтетін қазіргі мұнай құбырының өткізу қабілеті 10 млн. тонна. Бірнеше жыл бұрын оны  13-17 миллион тоннаға дейін арттыру мүмкіндігі талқыланған болатын. Бұл Туймазы-Омбы-Новосибирск (ТОН-2) құбырын кеңейтуді қажет етеді.

Өткен аптаның соңында Новак Қазақстан Премьер-Министрінің бірінші орынбасары Роман Склярмен отын-энергетика саласындағы, оның ішінде электр энергетикасы саласындағы және мұнай өндіру мен табиғи газ тасымалдау бойынша мемлекеттер арасындағы өзара іс-қимылдың негізгі жобалары мен одан әрі дамуын талқылады.