Ресей  лаңкестік демеушілері тізіміне қосылуы мүмкін

АҚШ Конгресі Ресей Федерациясын терроризмді демеушілер тізіміне енгізу туралы заң жобасын әзірледі.

Америка Құрама Штаттары лаңкестік сыбайластарының тізімін жаңартпақ. Бұл тізімге Ресейді енгізу мәселесі талқыланатын заң жобасы АҚШ конгресінің Өкілдер палатасында дайындалып қойған, деп жазады ТАСС.

Конгресстің төменгі палатасының мүшесі Тед Льюдің баспасөз қызметі (Демократ, Калифорния штатынан және бастама авторы) мәтіннің бір бөлігін жария етті. Онда «Ресей Федерациясының үкіметі президент Владимир Путиннің бұйрығымен саяси қарсыластар мен мемлекеттерге қарсы халықаралық лаңкестік әрекеттерді насихаттауды жалғастыруда» делінген.

Сондай-ақ аталған тізімге Вашингтон пікірінше, «халықаралық лаңкестік актілерін бірнеше рет қолдаған» мемлекеттер де кіруі мүмкін. Қазір бұл тізімге Иран, Солтүстік Корея, Куба және Сирия кіреді.

Еске салайық, Киев Ресейді терроризмге сыбайластар тізіміне енгізуді бірнеше рет сұраған. Өткен жылы бұл мәселе кеңінен көтерілген болатын, бірақ кейін Вашингтон бұл қадамның мүмкін емес екенін айтты.