Ресей Көкшетауда жылу электр орталығын салмақ

Мәжіліс отырысында энергетика министрі Алмасадам Сәтқалиев Көкшетау қаласындағы жылу электр орталығына құрылыс мердігерлерін іріктеу басталғанын айтты, деп хабарлайды Orda.kz. 

Қазір тараптар өзара міндеттемелерді талқылап жатыр. «Самұрық-Энерго» компаниясы Көкшетау әкімдігі белгілеген учаскені игеруге кірісіп кетті.

«Алдын ала рәсімдер «Интер РАО»-мен бірлесіп жүргізіледі. Құрылыс мердігерлерінің таңдауы бойынша жабдыққа тапсырыс беріледі. Жоба компаниялар бекіткен кестеге сәйкес жүзеге асырылады. Жақын арада хаттамаға қол қойылады», – деді Сәтқалиев.

Бұған дейін министр ресейлік инвестиция есебінен салынатын үш ЖЭО құрылысының жобалары 2028 жылы аяқталатынын мәлімдеген болатын.